تـرى حـياتـي بـدونـج سـراب(بدروسارة)<<اول رواية لي بقلمي

>>إدارة المـــــنــــــتــــدى<<

مــسـاء/صــبـاح الـخير والجوري
مساء /صـبـاح مايليق الا للحلواة
مراح اطول بالقررقه معاكم
بس هذي اول روايه لي انزلهااااا
واتمنى تعجبكم
انا مانتزلتهاا الا لما لقيت لها اصداء جميلة من حولي
واتمنى اتفاعل معاي عشان يزيد حماسي حبايبي
وراح انزل اول بارت اليوم ان شاء الله
عنوان الروايه
ترى حياتي بدونج سراب (بدر وسارة )

>>إدارة المـــــنــــــتــــدى<<

(1)

ابداء مع ابطال القصة عايلة بدر هو وحيد امة واصغر البيت بين 4 بنات هو دلوع امة وامة اتموت بالارض الي يمشي عليها ودلوع البيت كله بدر عمرة 17 سنه بس بنظر امة عمرة سنة تخاف عليه خوف بشكل موطبيعي بدر كشكل ضعيف وعيونه ناعسة واسمر وعندة غمزات وحركاته حيل طفوليه يحب يسوي مقالب بخواته ويحب ينرفز امة وايد واخواته الكبيرة سوزان متزوجه وعندها 5 3 بنات و2صبيان والي تحتها مي موظفه بوزارة العدل والي تحتها مها موظفه بوزارة الشؤن واخر العنقود من البنات رزان طالبه في الجامعه تخصص علوم اجتماعيه
اليوم يوم الخميس الساعة 6ونص الصبح دخلت ام بدر دار بدر تقعدة من النوم
ام بدر : ياربي من هالصبي مايقعد الابطلعت الروح
وقعدت يمة بالسرير وقعدت تلعب بشعره
ام بدر: بدر بدر بدر يما قوم تاخرت على المدرسه
بدر وبدلع : يما تكفين خليني ماابي اروح المدرسه اليوم
ام بدر :وبعدين مانخلص من هالاسطوانه الي كل يوم ماابي اروح وما ابي اروح
وقام بدر حط راسه على حضن امة
بدر : يما تكفين بس اليوم ماابي اداوم خلود ماراح يداوم اليوم <<<خلود ولد اخت بدر عمرة 20 سنه ومغرز بالثانويه لووووووول
ام بدر : وانت مالقيت مثل اعلى لك الاخويلد قوم بس يلا
بدر وبملل :زين قمت
وطلع بدر من داره بيروح الحمام تكرمون لين اخته مي بوجها
مي : توك تقعد ياعم بدر
بدر وهو متنح ومبقق عينه ويقلد مي
بدر : توك تقعد ياعم بدر اي توني اقعد وانتي شكو بالله
مي وبعصبيه : والله لشتغلت دريول عندك وتعطيني ماعاش قول وانتي شكو خلص ياروح امك انا وراي دوام
بدر : انزين عمتي مي
طلعو البنات وقعدو على سفرت الطعام يتريقون الا بدر ساعه يلبس لبس المدرسه وطلع بدر من داره لين امة بوجها بدر كان منزل راسه ماشاف امه
ام بدر : بدير
بدر :بسم الله خرعتيني يما
ام بدر :ههههههههه اسم الله عليك يما
وطالعت قميص بدر المدرسه مو مسكر الازرة مالته
ام بدر :لاحول ولاقوة الابالله مادري متى بتكبر انت
وهي اتسكر الازرة مالته
بدر : دامج ادلعيني والله لو شنو ما اكبر هههههههههههههههه
ام بدر وهي مبتسمة: فديت هالضحكة عساني مانحرم منها
بدر : ولا من هالابتسامة يارب
ام بدر : امش تريق تراك متاخر على خواتك
بدر : ان شاء الله من عيني
ومسك ايد امة وراحو لسفرة الطعام
رزان اصغر البنات وتغار شوي من بدر بس تموت عليه
رزان : زين مابغيت تنزل عمي بدر
بدر وبستهزاء: ههههه وانتي شكو لوصلتيني تحجي
رزان :بدير عدل كلامك لانك بترد لي
بدر: من حلاتج شعندج من تبن عشان ايلج بالله
رزان وهي تقلد بدر
رزان : رزان الله يخليج لاب توبي خربان ابي لاب توبج بالشبك
بدر تذكر ان لاب توبه خربان
بدروهو يحك راسه : هاااااا فديتج رزون شنو انتي زعلتي كنت اتغشمر وياج
ام بدر : هاااا بسكم نجرة من الصبح يلاااا تريقو تاخرتو على دوامتكم
بدر ورزان : ان شاء الله
في وسط الهدوء
بدر : هيااااااا اليوم خميس
مها : وخير ياطير واذا خميس
بدر : اليوم ازورة سوزان لنا
مها : شنو اليديد بالموضوع كل خميس سوزان عندنا
بدر : اليوم خلود ماراح يداوم ويعني ماراح اشوفه الا بالزوارة
ام بدر قاطعتهم
ام بدر : نسيت لا اقولكم خالتكم شريفة اليوم ابتيينا مع بناتها ولدها احمد
بدر وهوووو مضايق لانه مايحب احمد
بدر : ليش موباجر لزوارة عندها يعني لازم يما

ام بدر وبعصبية : صج انك قليل ادب وهذي خالتك وعيب هالكلام
بدر :يما موقصدي خالتي قصدي ولدها كل ماشافني قال الي يعيش بين بنات من غير صبيان ترف مو ريال
ام بدر : انت شقاعد تخربط
بدر : والله يما هذا كلامة لي كل ماشافني
ام بدر : انا اكلم خالتك وهي تكلمة
بدر : اي هين بنشوف شتسوي اختج
ام بدر : يلا عاد روحو تاخرتو
مي : يلا بدير
بدر : يلا
بدر باس امه على خدها حيل
بدر : باي يما
ام بدر والابتسامة على شفاها
ام بدر : امنت الله
مها ورازن : مع السلامه يما
ام بدر : مع السلامه

>>إدارة المـــــنــــــتــــدى<<

(2)

الساعه 1 ونص حزة طلعة الدوامات والمدارس وبدر كان قاعد ينطر مي تجي تاخذة بس مي تاخرت عليه وبدر متضايق حيل ومعصب كل شوي يطالع الساعه جت الساعه 2 وتووو مي توصل وجان اطق له هرن ويجي ويصعد السيارة
بدر وبعصبيه : لاصج حلفي تو الناس عمتي جان بعد ماييتي احسن
مي : اووه بدير يالله طلعت من الدوام ويتك والطريج كان زحمة
بدر : وانا شذنبي انطر وربي خست ريحتي تلوع الجبد من الشمس
مي : وع الله يلوع جبدك على هالحجي جدامنا غداء الله يغربل بليسك
بدر : رحميني ياحساسه اقول سوقي وانتي ساكته
ووصلو البيت ودش بدر اهوو متنرفز
بدر : ااووووف مليت كل يوم وانا على هالحاله ماصارت والله ماصارت خست وانا بهالحر
ام بدر : شفيك تتحلطم وانت كل مادشيت البيت تتحلطم
بدر وبدلع : ماما ماصارت كل يووم ميوووه تتاخر علي وتخليني اخيس بهالشمس
لين مي قاعده تسمعه
مي وبعصبيه : مهووووو شارع ابوي افضيه حقك عشان ايلك بسرعه
ام بدر : خلاص لاتعصب من باجر انا ايبك من المدرسه
مي : اي هذا الي يبيه حضرته
بدر : صج يما انتي الي بتيبيني من باجر
ام بدر : اي صج
بدر : اوكي عن اذنج بروح ابدل ملابسي خست
دش بدر غرفته ومسك البيبي ماله وبقق عيونه على التلفون والا 25 مس كول و20 PINGبالبيبي و10 مسجات
بدر : اووووه الله منوو هالمزعج والله لو عندي حبيبه ماسوت جذي فيني
بدر شاف والا كل هذاا من خالد ولد اخته وقام بدر واتصل عليه
بدر : خويلد شعندك مشلخني تلفونات وبنقات
خالد : لاااا صج احلف انت ياتبن ماتقولي وينك وانا من الصبح ادق عليك ماترد
بدر : بسم الله توني راد من المدرسه حتى هدومي علي ماقطيتها
خالد : زين يلا بدل انا ياي اخذك بنتغداء برى وبنقز بعدها
بدر : صج انك حمار نسيت ان اليوم خميس وزوارة ولاا بعد مو بس امك وخواتك خالتي وبناتها ولدها بيون بعد
خالد : لا ياحمار مانسيت شصار بدنيا نطلع ونرد
بدر : هااااااا اخاف امي ماترضى
خالد وهو يقلد بدر : هااااا اخاف امي ماترضى شنو ياهل انت يبابا اا كبرت انت
بدر : خويلد يعني انت غشيم عن يدتك
خالد : لا ماني غشيم وانت لاتصير ياهل اكبر شوي عن حظن امك
بدر : يعني شتبيني اسوي خويلد
خالد : خلاص خلاص انا اتفاهم مع يدتي بس انت ازهب
بدر : حاضر يابو وليد
خالد : باي
بدر : بايات
وتسبح بدر وكشخ ولبس سكني اسود وتيشيرت احمر لوكست <<<طلع ييينن
شوي التلفون رن لين خالد اهو الي متصل
بدر : هلا خلود
خالد : بدير اطلع انا برى
بدر : لا والله احلف
خالد : شنووو
بدر : انزل مع راسك واقنع امي
خالد : ههههههههههه حاضر انت وراسك
اي نسيت اقول لكم خالد طويل وابيضاني على اهل ابوه لان اهل امه حنطاويين وسكسوكة وكشيخ لابس جينز وتيشيرت لوبيلو اسود
وطق الجرس وام بدر قاعدة بالصاله
ام بدر بتعجب : هوووو من ياينا هالحزة البنات معاهم اسبير للمفتاح
ام بدر تنادي الخدامه عشان تبطل الباب
ام بدر : ميري ميري ميري
ميري : نئم مدام
ام بدر : بطلي الباب يما
ميري : اوكي مدام
بطلت ميري الباب ولاااا الي عند الباب خالد
خالد : قوة ميري وين ماما
ميري : ماما داكل صاله
خالد : اوكي نادي بدر
ميري : اوكي بابا
دش خالد الصاله
خالد : قوة يما <<<لجدته
ام بدر : هلا وغلا يما جنك ياي مبجر قبل الزوارة
خالد : افاااا يما يعني ماتبيني اي قبل
ام بدر : لايما شدعوه البيت بيتك كنت اتغشمر وياك وانت مسرع ماتصدق
خالد : لا ماصدق لاني ادري بغلاتي عندج فديتج والله
ميري يوم دشت الغرفه على بدر بدر كان متوتر رايح راد <<<<جنه بالافلام المصريه لمن يولدون حريمهم لوووووول [ندعوك للتسجيل في المنتدى أو التعريف بنفسك لمعاينة هذه الصورة]
ميري : بدر
بدر وبعصبيه[ندعوك للتسجيل في المنتدى أو التعريف بنفسك لمعاينة هذه الصورة] : هااا شتبين
ميري :بابا كالد فيه صاله يبي انته
بدر : صج
وركض بدر لصاله وام بدر طالعته ومتعجبه
ام بدر : شفيك
بدر وبوهقه ويحك راسه : هاااااااا لا يما ولا شي
خالد كان ميت من الضحك على شكل بدر
ام بدر : بعدين شعندك كاشخ
بدر : خويلد ماتحجى
ام بدر : شفيكم
خالد : يدتي السالفة ومافيها انا عازم بدير على الغداء برى
ام بدر : عشتوووو شطاري عليك
خالد: ماكو بخاطري اعزمه
ام بدر : لا ماكو طلعه ماني بايعه ولدي وانت عليمي بسياقه
خالد: انا عليمي حرام عليج يدتي
بدر: يما تكفين الله يخليج اذا تحبيني صج وافقي
ام بدر : بدير لا تحاول
بدر وخالد : تكفين وافقي
ام بدر : اوووف يالله كيفكم
بدر باس امة ولمها
بدر : يابعد عمري والله يالغاليه
ام بدر : بس هاااا شوي شوي وانت اتسوق يالمطفوق
خالد : ههههههههههههههه مقبوله منج بدير يلا لا تهون الحين علينا
بدر : يلا يلا
وطلعو خالد وبدر على سيارة خالد وكانت المبرقيني لونها احمر وكانو خبووول معلين على صوت الميوزك وكان مودهم اغاني اعراقيه وكانوو يرقصون وضحك ترس المكان وقام خالد وسال بدر
خالد : هاااا وين تبي تتغداء
بدر : مادري كيفك ماني بطيني مو همي
خالد : ههههههههههههه اي ادري خووووو انت بالبيت بالغصب تاكل واطلع روح يدتي على ماتاكل
بدر : ههههههههههه ياخي احب اتغلى عليها وبنفس الوقت احس اني حقير واقطع قلبها
خالد:وش اليديد بالله من انخلقت وانت حقير
بدر:خويلد ويعه استح على ويهك انا خالك
خالد: ياحلوك يابدر وانت تقول خالك يا اخي للحين مو مستوعب انك خالي
بدر : عشاني اصغر منك حاقرني
خالد : هههههههههههههه يمكن زين شرايك بفرايدز
بدر : والله مادري خلود كيفك
خالد :خلاص فرايدز
شوي والا صوت المسج في تلفون بدر بطل المسج والا من اختة رزان
رزان : بدير امي تقول لاتنسى اليوم الزوارة وقول حق الخبل الي يمك امه تقول لاتتاخر على الزوارة اليوم
ورد عليها بدر : اوكي ماراح نتاخر
وخالد وبدر وصلو المطعم وكلو خالد دبه بالاكل اما بدر كالعادة ما اكل وايد
خالد : بدير شنووو موعاجبك الاكل
بدر : هههههههههههههه لا عاجبني
خالد :عيل شفيك ماتاكل ولاتبي ماما توكلك
بدر :اووووه خلووود بعدين وياك
خالد: هههههههه شفيك اتغشمر وياك
بدر : غشمرتك بايخة من ويهك
خالد :هههههههههه
كانت الساعه 7 كان الكل موجود في بيت ام بدر سوزان وبناتها وشريفه اخت ام بدر وبناتها بس احمد ماجاء معاهم
ام بدر : مي
مي : عيونها امري يالغاليه
ام بدر : دقي على بدر شوفيه وينه قعدت احاتيه
مي: ان شاء الله
مي : الووووووو بدير وينك تاخرتوو امي قاعدة تحاتيك
بدر ك انا ياهل عشان تحاتيني
مي : بدير بلااااا طولة السان وردووو
بدر: اوووف يلااا كانه داشين قطعتنا
مي : يلا اذلف
بدر : ذلفي انتي
مي : يما يقول توهم داشين المنطقه يعني قريب
ام بدر : زين
وصلووو بدر وخالد ودشووو عليهم ولاااا الصاله كلها حريم
بدر وخالد: السلام
الكل : وعليكم السلام
ام بدر : بدر تعال سلم على خالاتك
بدر وبكل حياء[ندعوك للتسجيل في المنتدى أو التعريف بنفسك لمعاينة هذه الصورة] :ان شاء الله يما
بدر باس راس خالته
بدر : شلونج خالتي
شريفه : بخير يما انت شلونك
بدر ك انا بخير
لف ويهاا بدر وطالع رزان تسولف مع سارة
سارة كانت في قمة الجمال وجسمها يهبل وكانت لابسه سكني ازرق وتيشيرت وردي وكانت حاطة ميك اب خفيف وقلوس وردي بدر ساعه وهوووو متنح على سارة وقعد يم خالد
خالد:بدير بدير بدير
بدر : هاااا خير خلوود
خالد : وين وصلت يبا
بدر : وصلت لين يم اختي رورو <<< اسم الدلع لرزان >>> يااخي اول مرة اشوف وحدة بهالجمال كله
خالد:هههههههههههههههه لا مو صج انت ويهك تحب ولا بعد حب من اول نظرة
بدر : خلوود جب بس جب
خالد : ههههههههههههه حاضر ياقيس
بدر قاعد طول فترة الزوارة متنح فيها ويقول بينه وبين نفسه لهدرجه سارة حلوت ماني مصدق عيووووني
<<<<<<<<<<<<<<يــــتــــبع>>>>>>>>>>>>>>>:eh_s(9 ):

عــضـو جـديد

روووووووووووووووعه

» الناقدة مي العيدان ......... بقلمي