يــــشرفنا ويفرحناااااا تسجل معانااا حياك /ج معانا وتلقووون الي يسركم
تحياتي
إدارة المنتدى



 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 مذكـــــرات لــــــولـــــوة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حبر العيون2

>>إدارة المـــــنــــــتــــدى<<


>>إدارة المـــــنــــــتــــدى
avatar


مُساهمةموضوع: مذكـــــرات لــــــولـــــوة    الأربعاء أغسطس 08, 2012 10:32 am

ملاحظة : راويه من وحي خيالي واتمنى إذا صادفة الاحداث محد يزعل لان مجرد بوح قلم مني
البارت (1)

غلاف الروايه







[ندعوك للتسجيل في المنتدى أو التعريف بنفسك لمعاينة هذه الصورة]




كل يوم اسمع قرار وانفذ من دون نقاش والاسباب اني أنا بنيه قرارات ظالمة في حقي من غير محد يحميني منها تعيش في راسي افكار غريبه وتيني حزة النوم اساله وايد ادور في بالي امي تحبني؟ اخوي مريض نفسي؟ ابوي حي ؟ اسأله وايد ماني لاقيه لها جواب ياترى منو راح يجاوبني عليها أنا لولوة عمري 17 سنه عايشه مع امي واخوي وزوجته طالبه في ثانويه ماعندي خوات بس الله رازقني في بنات خالات جنهم خواتي عسى ربي يخليهم لي راح اقولكم تفاصيل حياتي اليوميه واتمنى من تفاصيل حياتي تعرفون معانتي
يوم الاحد الساعه 6 ونص دخلت ام سالم دار لولوة تقعدها من النوم
ام سالم : لولوة لولوة
لولوة بصوت كسلان
لولوة : نعم يما
ام سالم : يلا يما قومي لاتتأخرين على المدرسه ومالي خلق صيحة سالم من الصبح
لولوة : اوف هالسالم الي مادري متى افتك منه
ام سالم بعصبيه : ها استحي على ويهج هذا اخوج العود
اعدلت لولوة قعدتها وهي معصبه
لولوة : اي صح نسيت حبيب قلب امه ماترضى عليه
ام سالم : يلا عاد لاتكثرين حجي قومي لاتتأخرين لولوة : ان شاء الله
وقعدت لولوة من النوم ودشت الحمام تكرمون غسلة ويها وتوضات وطلعت ولما طلعت مرة اخوها بويها
خلود : قطع شبح هالويه ماحلاه ربي
لولوة : اوف يالله صباح الخير انتي شكلج تموتين على المشاكل لكن تدرين شلون ماني رادة عليج لانج سفيها وماتنعطين ويه
وقامت لولوة عطة ظهرها خلود
خلود وبعصبيه : انتي هي احترمي نفسج انتي السفيه ان ماخليتج تندمين على هالكلام مااكون خلود
دشت خلود دارها معصبه ولا زوجها سالم طالع من الحمام
سالم : اوف اوف يالله صباح الخير شفيج مبوزة خلود: اختك جليلة الحياء عديمة التربيه
سالم: والين شسوت بعد هالولوة
خلود: عيل هذي تقول عني سفيه
سالم:شنو اهيا قالت جذي
خلود :اي عيل اجذب عليك
سالم: لامحشومه ياقلبي ماتجذبين
خلود : شوف سالم ان ماتصرفة معاها أنا بتصرف
سالم: لالا أنا اشوف شغلي معاها
في غرفة لولوة البسة لولوة ملابس المدرسه وقفت عند المرايه تعدل شعرها والاتسمع صوت طق الباب بقوة
لولوة : بسم الله منو
سالم بصارخ : فجي الباب
لولوة : الله يستر ان شاء الله
بطلة لولوة الباب
لولوة بخوف ومنزله راسه
لولوة : شفيك
ومسكها من رقبتها
سالم: لا وتسألين بعد شفيك عند كفو تقولين حق خلود سفيه
لولوة : اه اه أنا مأابي المشاكل بس مرتك تحبها سالم: اياني وياج اتيبين طاري مرتي على السانج
دشت ام سالم بعد ماسمعة صارخهم واخرة لولوة من ايد سالم
ام سالم : شفيك عليها
سالم : هاذي كفو تقول حق مرتي سفيه
لولوة وهي تبجي : يما أنا ماابي المشاكل بس مرته الي تبيها
سالم :انتي جب حسج ماابي اسمعه
لولوة : ان شاء الله
ام سالم : بس يايما علشاني هالمرة
سالم : أنا هالمرة بسكة عشان امي المرة اليايه محد راح يفكج مني تفهمين
لولوة : اه اه ان شاء الله
ورد سالم الغرفه وهو مبتسم
سالم : ولا يهمج حياتي خذيت حقج وخليتها تبجي خلود وهي مستانسه: ياعساني ماخلا منك حبيبي ترى أنا مو غرضي اني اشيش بس ابيها تعرف ان وراي ريال يأخذ حقي
سالم: اف عليج حياتي إذا مو أنا الي اخذ حقج منو الي ياخذه
»»يتبع مأسات لولوة مع اخوها وزوجته««


[ندعوك للتسجيل في المنتدى أو التعريف بنفسك لمعاينة هذه الصورة]


عدل سابقا من قبل حبر العيون2 في الخميس أغسطس 09, 2012 1:28 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shahd-alyasen.yoo7.com
حبر العيون2

>>إدارة المـــــنــــــتــــدى<<


>>إدارة المـــــنــــــتــــدى
avatar


مُساهمةموضوع: رد: مذكـــــرات لــــــولـــــوة    الخميس أغسطس 09, 2012 8:35 am

سمع سالم امه تناديه
ام سالم : سالم سالم
سالم : خير يما
ام سالم : يلا يما تعال لاتتأخر اختك على المدرسه
سالم وبملل
سالم : زين زين كاني ياي
دشت ام لولوة دار لولوة وهي تعدل شعرها وتبجي وتضايقت امها لما شافتها
ام سالم: لولوة بس يما لاتبجين قطعتي قلبي
لولوة وبحرقه و الدموع تنزل منها
لولو: يما قوليلي شتبيني اسوي ان رديت عليها ما سلمت وان مارديت هم ما سلمت بتألف علي بس عشان يزفني والله حرام ليش مو حاسه فيني
ام سالم : يايما حاسه فيج بس شتبيني اسوي هذا اخوج وطبعا
لولوة : انتي السبب من البدايه معطيته حرية التصرف فيني ولا تردينا الين ما تمرد علي. ام سالم : خلاص امشي نزلي تحت لاتتأخرين عليه تالي يسوي لنا سالفه.
لولوة : حاضر وانا لي اقول شيء غير هالكلمه.
نزلت لولوة ولا سالم تحت ويدور الشارة عليها
سالم: احد قالج اني سايق عندج.
لولوة: لا اسفه على التأخير.
سالم: امشي زين مسويه فيها انج محترمه.
طلعو سالم ولولوة من البيت وصلت لولوة المدرسه وهي متاضيقه وصاكه فيها الدنيا. ودشت الصف ولا تسمع صوت خلها تطلع من الي اهيا فيه.
فجر : هلابلي لفاني ياهلابه عدد دقات قلبي في غيابه عاشو عاشو. لولوة مبطله عيونها وتضحك على شكل فجر وهي تغني ومهرة ونورة يطقون على الطاوله.
لولوة: ههههههههههههههههههههههههههههههههه.
مهرة : اي جذي ضحكي والله طقاقتنا عجيبه طلعتج من جوج.
فجر: ويعه حتى ويعه أنا طقاقه قولي فنانه مو طقاقه.
مهرة : هههههههههههههه زين زين يافنانه.
نورة : ولين بسكم هواش الحمد الله ماني اختكم جان سويت فيكم جريمه.
لولوة : هههههههههههه والله ضحكتوني وانا مالي خلق شيء كلش.
مهرة : افا عليج شبيك لبيك نحن بين يديك.
فجر : اتصلو وستجدونا مايسركم.
نورة :هههههههههههه حشا جنكم موظفات اعلانات.
لولوة : فديتكم والله يا احلى موظفات اعلانات بدنيا.
نورة : افا بس لهم عيل سمعي أنا اينما ستذهبون ستجدونا حتى بأحلامكم.
مهرة :بلا لا يحوشك بحلامنا ناويه علينا بالخرعه والتفزز طول اليوم.
لولوة : ههههههههههههههه كلكم فديتكم عساني ماانحرم منكم
مهرة ونورة وفجر بصوت واحد : ولا منج يارب


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shahd-alyasen.yoo7.com
حبر العيون2

>>إدارة المـــــنــــــتــــدى<<


>>إدارة المـــــنــــــتــــدى
avatar


مُساهمةموضوع: رد: مذكـــــرات لــــــولـــــوة    الجمعة أغسطس 10, 2012 10:56 am

الساعه 7,30 في المدرسه طق جرس الطابو
مهرة : وع وع وع وع
فجر: بالعدال لايطيح حنجج شدعوة كل هذا
مهرة : وع ما احب الطابور خصوصا لما ابله ناهد اهي تتكلم
نورة : انتي شدراج ان ابله ناهد اهي الي بتتكلم
ابله ناهد:يلا يابنات كل وحده على الطابور ابتاعها
لولوة :هههههههههههههههههههههههههههههههههه ماشاء الله حاسه قويه عند مهور
مهرة: سمعتي مو قلتلج اعرف حظي انا
فجر: يلا عاد امشو لنحصل لنا زفه محترمة من ابله ناهد عاد مالنا خلق الفشيله
لولوة : اي والله عاد انا بذات مالي خلق كلمة غلط زياده كافي الي سمعته الصبح
مهرة : اوف يالله
نورة : يلا امشو
في الطابور حذرت ابله ناهد الطالبات الي ما تغني النشيد الوطني راح توقف بنص الطابور وتقوله بروحها والكل قال النشيد ماعادا مهرة طنشت كلامها وقفت الابله النشيد وامسكت ايد مهرة وجرته لي نص الطابور وقالت
ابله ناهد: اسمك ايه
مهرة وعلامة الصدمه بويها
مهرة : ااااانا ابله
ابله ناهد: اه انتي هو فيه حد غيرك سحبته
مهرة : هاااااااا لا
ابله ناهد : دالواتي اولي اسمك ايه
فجر ونورة ولولوة ميتين ضحك على شكل مهرة
مهرة : اسمي مهرة
ابله ناهد: دالواتي يابنات مهرة هالتاول النشيد الوطني وحدها
مهرة وبدهشه :هااااااااااااااااااا لا لا ابله مااقدر
ابله ناهد : دا امر يامهرة مش راي
مهرة بتردد : اوكي / وطني الكويت سلمت للمجدي وعلى جبينك طالع السعدي وطني الكويت وطني الكويت وطني الكويت سلمت للمجدي
ابله ناهد : ودالواتي ارقعي مكانك
ردت مهرة وهي معصبة والبنات يضحكون عليها
مهرة :عسى الله ياخذها يارب فشلتني انقص ويهي
فجر :هههههههههههههههه الحين منو الطقاقه انا والا انتي
مهرة :جب حسابي معاج بعدين وين تروحين مني مجابلتني 24 ساعه
نورة:ههههههههههههههه والله نكته شكلج
مهرة : وانتي الثانيه سكتي لا طراق الحين على ويهج
لولوة : يلا عاد انتي وياها ماعليج منهم مهور تهبلين في كل حالاتج والمثل يقول (لا تقذف الا الشجرة المثمرة )
مهرة : ياقلبي عليها هالبنيه ويلوموني في حبج
نورة وفجر يطالعون بعض ومعصبين
فجر : طيري زين هذي شجرة مثمرة صج ماكو نظر
نورة : اي والله انصحج تفحصين انظرج
لولوة : هههههههههههههه الا النظر عندي 100%
مهرة : اي هذا مو منكم من الواهي الي في جبودكم (يعني من الحرة الي فيكم ) فديت لولو والله
انتهى الطابور وكل صف راح لصفه وبدأت الحصه الاولى وكان على البنات مادة اللغه العربيه دشو الصف وكل وحده راحت لمكانها كانو كلهم يم بعض وكل وحده طلعت اغراضها
مهرة : وع وع مالي خلق هالحصه كلش ولا بعد المشكله حصة قواعد
فجر : انا ابي اعرف كل شي عندج وع ماعندج شي من حلاته تقطعين عمرج
مهرة : وي اسم الله علي اقطع عمري على شي يخص المدرسه ليته على شي يسوى ياخلاف
نورة : ههههههههه خليها هذي مايعجبها العجب ولا الصيام برجب
لولوة : وهي الصاجه من صباح الله خير قواعد
فجر : هذي الي تبيني اصكها كف انتي معاها اليوم اشوف
لولوة: هههههههههه شفيج هذا الصج ولا انتم عاجبتكم حصة القواعد اذا عاجبتكم هذا شي ثاني
نورة:هااااااا لا والله مو عاجبتنا منو الي له خلق بعوار الراس من الصبح
مهرة : ظهر الحق ظهر الحق صارو معاي اثنتين
فجر: يلا عاد شدعوة انا الي حابتها
مهرة: زين استسلمتي
فجر : اي ارتحتي
مرت حصة اللغه العربيه ومر اليوم الدراسي المعتاد على الطلاب
>>>يتبع <<


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shahd-alyasen.yoo7.com
ملكني غلاك
عــضـو جـديد
عــضـو جـديد
avatar


مُساهمةموضوع: رد: مذكـــــرات لــــــولـــــوة    الخميس نوفمبر 29, 2012 6:00 pm


يعطِـــيكْ العَآفيَـــةْ..
بنتظار التكمله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مذكـــــرات لــــــولـــــوة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: 〖الـــمــنـتـديـات الادبــية〗 :: قـــــسم القصص والروايــات-
انتقل الى: